A comptar deth prumèr de junh, eth casau deth Rictor que’s poirà visitar !

Ath bèth mieg dera zòna classificada deth vilatge de Seish, Juntant eth çò qu’èra eth presbitari e era capèra de Nòsta Dòna dera Pietat,eth ,eth casau deth rictor,tengut peths volontaris dera nòsta associacion que torna dubrir enath public.Que’s poirà visitar entiá la rentrada escolària que venc !

En un cadre campestrau e florit ja vos cau prénguer eth léser de i espiar era diversitat dera natura, flors, arbrilhons, legumis…

Per delà eras parets de pèira paisatges polits e ath ras deth presbitari ua volta de ròsas d’un còp èra.

Aqueth casau qu’amaga ua vita permanenta : l’anar e tornar deths auçèth,eth bronzinar grèu deras papòlas concentradas a butinar corallas de flors.Eras passejadas furtivas deras sernalhas e deth escarabats que tornan e viran cada dia demest eras peira deras paret desjuntadas pera èdra.

Que i hè bon badar a plaser, ena espiar cada causòta o demandar aths benevòls se qualas son eras proprietats de quauquas plantas observadas.

Se vos vaga, ja poiretz passar pera mostra dedicada ath lin ena pèça de baish deth presbitari.

Après aquera estoneta de patz se vos hèr plaser de crompar un quicomet enaths amics, vos desbrembetz de passar pera botiga.

Aquiu madèish, ja vos prepausam tanben un espaci museau dedicat aths utisses e saber hèr deth temps vielh.

Enà acabar perqué pas ua visita dera capèra Nòsta Dòna dera Pietat qu’èm a reabilitar.Solide qu’eth sièu retaule barròc d’estatura descomunala o eths confessionaus deth sègle XVIII s’ac ameritan.

Vengetz donc, que mos haram une plaser de vos recéber en aqueth lòc encantador.